魔術師的玩具2019

Garycharm

很久沒有發帖，才發現上次比較認真寫玩評的帖子已經是2018年總結，
而現在已經到年底，反正十二月我期待的玩具不多，趁這兩天心情好，就寫個2019年總結吧。

先睇睇我今年較喜歡的玩具。


Metal Build 大魔神
因為帶錯期待，我並不喜歡去年的MB 元祖萬能俠，有點鬥氣，曾出帖大肆評擊。
今年出大魔神，也有考慮放棄。但實物上手，又意外的喜歡。
一來係因為童年情意結，我向來較喜歡大魔神。

二來，外型的確比上一彈更好。今次本體和元祖沒太大分別，但元祖的皇冠頭換上大魔神三尖頭，
加上身上各個尖角、並隱隱箭型線條，整體感覺修長了，也減少了元祖MB的頭大身細感。
此外配件更豐富，更有我喜歡的Great Booster ----
其實當年合金魂GX02也有，只是笨大近年喜歡玩「別賣」玩魂限，
把我們玩具迷調教得凡事感恩。






SHF Avenger3 Thor

小弟戒了12"，惟有寄望SHF、ML、MS生生性性。
這隻SHF 是少數不負期望的角色，布製被肩、像真面相都有了（按6"標準），
配上SHF溫馨宜人的關節，我已經好滿意。
SHF 有沒有出垃圾？梗有啦，一會再說。





Metal Build 初號機


我向來不太喜歡 EVA ，就算我係合金魂鐵粉，當年也沒買過 EVA 產品。
這隻初號機是年初話題作，抱著人有我有的心態也買來看看。
玩具並不算有甚麼突破，製作上和過去大量高達差不多，
地台甚麼的，在驚爆危機也見過。
不過因著造型之利，背部、外露生化關節就相當亮眼。
作為玩具，活動能力高、外型靚、塗裝刻劃細緻、配作豐富，我是沒甚麼投訴了。







MP 暴龍麥加登

呢隻麥sir 都幾多人鬧，而我自己就幾鍾意。
因為我鍾意暴龍麥，覺得佢外型夠搞笑抵死。
二來.....相信因為見人鬧得多，已有心理準備。
腰部變型過緊問題，上網看教學，鬆少少螺絲已經克服。

當然，如果你玩TF 仍然係玩變來變去、愛粗玩，
的確有舊孩記已經足夠。一切都係選擇而已。






MPM 爵士

外型好靚，真心靚。
變形仍是 movie TF 式的鎖碎，
只要你忍到接受到，呢隻會係系列精品。




超合金魂 帝王三一

難得角色，產品一般。
外型麻麻，合體麻煩，
腰部又難裝又易甩。
惟一可取係分體狀態，三架飛機都幾靚。







圍城 天火

真正還原G1 的天火，身型夠高，外型夠帥，配一般V class、L class 隊友剛剛好。
變形流暢（有時流暢和簡單真係見人見智）、更有武器裝備包以供選擇。


缺點？TF 偷膠穿崩位仍然有，而且偏多。
所以咁大隻TF ，拎上手感覺好單薄。
以反斗城7/8 百蚊公價去睇，難免有低性價比之感。




圍城 柯柏文

以云云文哥產品之中，本品變形、外型都未算突出，
人型狀態更有單薄扁平之感。不過車型夠靚。
以 V Class size ，竟然營造出真正大型貨車的味道。
身上的機械雕刻亦算有誠意，是近幾個月我放在檯頭愛不釋手的玩具。

又，因為喜歡這個設計，我買了本品的合金 KO ，
更加不得了。尤其貨車形態，真係靚到飛起，
版規所限，我不出相片了，大家自己上網找。






合金魂 FA 大武士、珍寶 3

有點像儲SHF拉打，買 FA 變了例行公事，
所幸今年兩隻 FA 質素仍保持得不錯，沒驚喜沒失望-----
事實上以笨大技術，他不搞變形，
我輩老鬼仍然肯買，應該也肯難犯錯吧？

不過世事無絕對，當笨大覺得這條戰線成熟了，
想些方法慳成本、在配件、關節上縮縮皮，也是一貫作風。







SHM 王者基多拉

今年最失望玩具，沒有之一！
的確夠大隻、造型算不錯，
但雙翼不舉易跌、一定要靠支架支撐，根本是不可動不可玩的景品。
如果真係景品/雕像、人地係收貴D，但係又真係靚好多呀！

雙翼的支架也還罷了，身軀支架亦冇用心設計，外形衰、又易跌。
其實你收得這個價錢，就算不在關節上下功夫，
也可改善一下支架、地台的設計吧？
Marvel Select 果D 插樁裝飾地台你識唔識抄呀！？






MP 柯柏文 ver.3

3千幾蚊，玩家負評幾乎一面倒，但係我去問相熟玩具鋪，
佢又真係幾好賣。吹漲。

玩上手，只要緊跟說明書，車變人過程還可以，
但再由人變車真係好鬼煩。尤其係對腳。
第一次玩，我要反複搞兩三次先搞得掂。

本品賣點係 G1 造型與及腰部可動關節。
先講關節，其實玩呢種級數機械人，習慣上我好少要求有腰關節。
不過你有，我都歡迎。

至於造型.......大背包至令側面看感覺奇怪、鎖碎板塊破壞了你想營造的G1卡通感、
但因為有愛的原故，我然選擇忍受，
直至我遇上第三方 ，TE 的  ...................




超合金魂 十五機合體

我小時候其實也不太喜歡這個層層疊的合體機械人，
不過，本品算係七十代老鬼合體卡通合金魂畢業倒數。
還是應該捧場。

玩上手，我一口氣把所有遮醜用的板塊摺起收好，
然後只玩變形合體，感覺清清脆脆的，很有舊合金味道。很討好。

只是，我不知是我的個別問題還是設計如此，
我那隻的腰部裝不實，很易甩。要小心玩。





ML 肥雷神

沒甚麼，純粹喜歡色色，而玩具又出得穩穩陣陣，
玩得好開心。
玩具嘛，開心就好。




我喜歡玩玩具，也歡迎玩具朋友add 我 facebook 交流，
不過早前有朋友告訴我，TD 有個別人士會在 fb 把不同政見人士起底，
放上所謂暴徒資料網站。
小弟靠臉吃飯，除了英俊瀟灑之外其實手無搏雞之力，
也有幸成為「暴徒」「廢青」之一，實在与有榮焉。

不同政見，在TD在網上罵戰是一回事，
但藉網上玩具交流所建立的一點互信，
然後藏頭露尾用來作實際攻擊就相當別緻。
希望這些有特別嗜好的人士除了玩玩具之外，
也留意一下這些動漫英雄玩具背後的訊息，
先勿論你是否有能力對對方做成傷害，
但這種幼稚陰鷙的行為一定已經影響你的內心。
可能當有一日你需要真誠面對自己，
你會發現無論是現實世界還是動漫虛擬世界，
都會因為價值觀的落差而無所適從。

香港人加油！

S2000AP1

香港人加油！

Garycharm

同場加映，今年最差玩具！

SHM 王者基多拉

上面鬧o左，從略。





MPM 鐵皮

人型齋企呃到下人，但係肩部關節極衰、腳部接地不足。
變形難搞，就算成功變作車型，車頭及擋風玻璃亦斷開。





SHF 浪人

SHF 價錢，衰過 ML

kuugahiro

收穫豐富既2019，多係師兄分享！

robotkelvin

多謝分享，師兄有買的...我全部無買 :P

帝王三一評語中肯，我都因為咁而無買！

Lau

好多變形金剛！！

Douglas.M.Saint

bigbigfriend

為何不等埋年尾重頭戲：解體匠機......

nela

入手產品比去年想像少.....當然明白原因.....

基多拉同意 x 1... 有路玩一路小....

15機現赴 Black Friday 便價訂了...等緊

Dick.Po

MP 暴龍麥加 我重未買，好貴⋯⋯

Gundam@EFSF

，TD 有個別人士會在 fb 把不同政見人士起底
So PK!!!!! Who!!!!!

kingeltshan

great~~~~~~~~~~~~~~~

wwwkcc

我只買機械人都已擺到咁


另師兄隻15機有冇試過大力壓條腰到啪一聲?因個扣位唔太正所以我係聽到佢扣住先放手嘅

Garycharm

Gundam@EFSF 發表於 26-11-2019 09:25 PM
，TD 有個別人士會在 fb 把不同政見人士起底
So PK!!!!! Who!!!!!

pastng

謝謝分享希望之後大家都多D心情好嘅時間