Toysdaily 玩具日報

 找回密碼
 註冊
查看: 6884|回復: 13

[個人收藏] 玩具箱系列 - 無機會、無飛雲,只得一隻NX龍王號

[複製鏈接] |關注本帖
發表於 2-3-2018 18:12:45 | 顯示全部樓層 |閱讀模式
本帖最後由 鐘樂佳 於 2-7-2018 10:05 AM 編輯

如死圖,請按這裡

==============

近來很少開玩具來玩。  
原來已個多月  無開壇影相了~
(有時間都打芒亨啦~)

============


NX 龍王號



NX系列,
通常以SD化 / 機戰化地呈現角色。

由於小弟鐘情於原設比例,
此系列並非小弟杯茶。

不過有些SD向機體,
如魔神英雄傳、霸王大系、至尊勇者等,
卻非常適合套用於此。



當日得知NX會推出龍王號,
(香港譯名。正式應叫 龍王丸)
滿心歡喜地等開訂,
可惜隨後公佈是換件變形,
熱情即時冷卻...

結果只等實物再決定...



相對同系列,龍王號定價較高。
個人覺得稍貴添。

不過現貨開始難找,
見2魚中也狠心入手了。
(有利是錢幫補是誘因...)

還好實物質量不錯,
算是值回票價。



玩具包含了
主體 X 1
劍 X 1
替換手 X 1對
地台 X 1
(變形用) 替換背翼 及 腳 X 1對

稍嫌無附帶特效件,
否則評價更好。

<見圖才醒起,不得不提:
雙手背後果2隻"鳳爪",甩件率極高,
絕對是垢病!!!!!>



整體品質算不錯,
小弟這隻,除了右眼油了些出界外,
大致都無問題。



拿上手比預期中重,
內部結構應該比想像中複雜所致。
(但不覺有合金成份)

齊關節,
頭、腰、手腕、腳踭都可動。

肩位扭幅大,彌補先天手短問題,
令動作看上去比較自然。

不過下盤關節不太受力,
雙腳張開較大時,會變成一字馬。
還好有地台附設,
算有緩衝方案。



鳳王,
接受了換件變形才入手,
所以不是完全變形是理解的。

拆去拳頭位、雙腳、背翼
換上變形件,再加個雀頭便完成。

替換過程輕鬆,這點值得一讚。



外型都算接近原設。

雙翼可以再水平平放一點,
但會變成如"甩較"般不受力。
還是這個角度比較好看。

=======================

總結:

有ROBOT魂的龍王號在前,
這隻NX的吸引力真的不高。

小弟因為想等ROBOT魂出鋼衣版,
(雖然現在來看,應無可能了)
才不入ROBOT魂那隻。

這隻NX也只是當 "貴價扭旦" 的心態入手。
自問對它要求不高。
只是$2XX買隻扭旦水平玩具,起初覺得好貴。

還好入手玩後,表現都算滿意。
加上玩得輕鬆、幾好扭、
2個型態都還原度高。
合格有餘之作。

缺點,肯定有的。
最大最大問題,是手背的爪很易甩。
拍照期間經常要轉姿勢,
一雙"鳳爪"基本每次都會跌出來,
更多次彈到地上...
(所以千萬不要拿出街玩!!!)

其次,上色有少許問題。
小弟那隻有淚目。
(買時有雪梨紙包著,否則不會中SAD)

而且細節位不足,
加上無附設特效件。
龍王號絕招得幾招,
所需的特效件不會很多。
真心寧願賣貴D,等絕招可好好呈現。


綜合來說,龍王號產品少,
本身對小弟般的中坑頗有吸引力。
細細隻加上玩得輕鬆。
放公司減下壓都不失為一個選擇~

================



發表於 2-3-2018 20:42:49 | 顯示全部樓層
謝謝師兄報告,我會等千值那隻
發表於 2-3-2018 21:37:41 | 顯示全部樓層
這隻我都想買!!
發表於 2-3-2018 22:06:09 | 顯示全部樓層
好多地方都過三....舊...
發表於 2-3-2018 23:43:19 | 顯示全部樓層
支持詳細評價份享
外型順眼, 但缺乏某些吸引我的賣點...
發表於 3-3-2018 10:17:52 | 顯示全部樓層
謝謝分享!
呢隻確有吸引之處
作為魔神迷,反而冇訂呢隻。現貨貴左又好唔過R魂版所以唔買了。
最好就再開返R魂魔神啦,好多現成可以出到。
如果魔神係NX繼續出,咁我可以等再版龍王。
發表於 3-3-2018 18:09:51 | 顯示全部樓層
我覺得如果出齊魔神係好大市場,好多人會買,但佢定價太高,過200我都唔會買
發表於 3-3-2018 21:54:49 來自手機 | 顯示全部樓層
定價高,本來就是短小精悍的機設,NX化後更加手短腳粗,見到實物變型後似肥雞,passed
發表於 3-3-2018 23:32:16 | 顯示全部樓層
凡高 發表於 3-3-2018 06:09 PM
我覺得如果出齊魔神係好大市場,好多人會買,但佢定價太高,過200我都唔會買 ...

好大市場,robot魂就唔會斷line啦
發表於 4-3-2018 14:19:41 | 顯示全部樓層
eddiem249 發表於 3-3-2018 11:32 PM
好大市場,robot魂就唔會斷line啦

同意師兄講法,魔神英雄傳套動畫出咗咁耐,今時今日先至破天荒登陸機戰系列,佢係日本動畫壇的「江湖地位」可想而知!
其實上次robot魂出到戰王丸、幻王丸已經有D滯銷,今次NX版如果銷量不如B社預期,分分鐘係呢條Line第一隻同時亦係最後一隻!
發表於 4-3-2018 14:35:51 | 顯示全部樓層
THOUTHER 發表於 4-3-2018 02:19 PM
同意師兄講法,魔神英雄傳套動畫出咗咁耐,今時今日先至破天荒登陸機戰系列,佢係日本動畫壇的「江湖地位 ...

銷售數據最現實,你睇聖戰士,出到外傳機都仲有得出
發表於 4-3-2018 20:50:06 | 顯示全部樓層
本帖最後由 k_dash 於 5-3-2018 09:17 AM 編輯
THOUTHER 發表於 4-3-2018 02:19 PM
同意師兄講法,魔神英雄傳套動畫出咗咁耐,今時今日先至破天荒登陸機戰系列,佢係日本動畫壇的「江湖地位 ...

後面出過幾隻基乎隻隻跳樓, 最後一隻魔神新星龍神丸又出得hea, 反彈笨大根本無心戀戰, 可惜....
發表於 4-3-2018 22:03:28 | 顯示全部樓層
本帖最後由 THOUTHER 於 4-3-2018 10:08 PM 編輯
k_dash 發表於 4-3-2018 08:50 PM
後面出過幾隻基乎隻隻跳樓, 最後隻魔神新星龍神丸又出得hea, 反應笨大根本無心戀戰, 可惜.... ...

小弟估計,魔神英雄傳對B社來講係「雞肋」,有一定銷量,但不合B社預期目標,所以選擇在NX系列 Reboot,希望「重新出發」,而B社選擇人氣較高的龍王號而唔係最元祖的龍神號作為首隻作品,似乎都反映B社對魔神英雄傳呢套動畫唔係咁有信心。
發表於 5-3-2018 09:22:51 | 顯示全部樓層
THOUTHER 發表於 4-3-2018 10:03 PM
小弟估計,魔神英雄傳對B社來講係「雞肋」,有一定銷量,但不合B社預期目標,所以選擇在NX系列 Reboot,希 ...

NX的size好難應付好變形合體機體, 有R魂珠玉在前比較下多少都有啲比下去, anyway, 依家就睇下有機戰帶動下可唔可以衝一下人氣
您需要登錄後才可以回帖 登錄 | 註冊

本版積分規則

Archiver|手機版|Toysdaily 玩具日報

GMT+8, 4-8-2020 09:56 PM , Processed in 0.053068 second(s), 17 queries .

Powered by Discuz! X3.2

© 2001-2013 Comsenz Inc.

討論區聲明:本討論區是以即時上載留言的方式運作,Toysdaily玩具日報討論區對所有留言的真實性、完整性及立場等,不負任何法律責任。而一切留言之言論只代表 留言者個人意見,並非本網站之立場,用戶不完全信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。由於本討論區受到「即時上載留言」運作方式所規限,故能完全監察所有留言,若讀者發現有留言出現問題,請聯絡我們。Toysdaily玩具日報討論 區有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一 切法律權利。

快速回復 返回頂部 返回列表