Toysdaily 玩具日報

 找回密碼
 註冊
樓主: good886

[新品消息] Hottoys Captain America: Civil War: Iron Man Mark XLVI

[複製鏈接] |關注本帖
發表於 22-4-2016 09:09:56 | 顯示全部樓層
有番說話想講下,順筆寫來,拉雜得很,望大家原諒。

我想講既係,即係大家入得黎呢個post睇得既 都相信係想買46先入黎關心下 睇下大家有咩意見 可以參考下啫;就算唔係想買 都係想知隻野出成點等等掛,即係至少大家都係中意ironman。

我覺得呢幾頁大家都講到off晒topic:又講點解唔可以同電影同步出貨,咁我覺得無端端點會咁去比較都有既?即係等於一個游水、一個跑步,跟住比較邊個最快。係,大家都係時間上既問題,但大家涉獵既都唔同,無謂比較啦。
跟住又講上一隻都未出貨就開下隻訂:咁我都覺得:喂,有無搞錯啊,我訂完一隻未到手又開下一隻,我點追喎,係咪先?咁但係喎,訂果時人地都講得好清楚幾時出貨,點佢又無遲派,咁都要鬧就顯得唔理性啦係咪?比我係阿陳老細我咪照派囉,派頭果鐘囉吹咩,之後好似人地咁過兩個月先派第二水囉。即係人地係你訂果陣講左幾時派,唔應該輸打贏要。
既然都off topic,唔爭在啦,大家中意同一樣野既,都咁多紛爭,鬧得人地無聲出又要繼續問人做咩無聲出咁;唔想再鬧落去,又忍唔住講d野攞番個彩先走。我覺得咁做無必要既;我地唔同興趣就話爭議下無可厚非啫,中意玩玩具都要鬧交,何必呢?

我知我呢番說話都會得罪到大家,但正如上面師兄所講:點解以前80幾頁啫?因為依加無人關心隻公仔既。無人會話:嘩,隻野全身著燈咁型?唔知玩開模型既師兄知唔知呢隻野咩內構先可以整成咁?
大家只會話:又番炒個頭?又比炒家排隊做勢啦!出貨咁慢等現貨啦⋯⋯唔中意既,今次個version唔岩心水既,咪唔好訂囉,講到好似逼你買咁,唔需要自己唔中意又踩到一文不值,講到人地好陰謀論咁。人地有師兄想買都無能力買,我覺得自己有野訂下玩下,其實好幸福。有能力抱怨都好幸福啦。

講咁多,都係想大家唔好再鬧交啦。有時想睇下論壇知下出咩,有咩新情報,師兄們對隻野有咩評價,結果幾頁都嘈緊,真係有少少唔開心。
倘若冒犯到大家,好對唔住。

點評

同意ching 講有玩具玩已經係幸福!!  發表於 23-4-2016 09:10 AM
發表於 22-4-2016 09:30:56 | 顯示全部樓層
sbc1d062009 發表於 22-4-2016 09:09 AM
有番說話想講下,順筆寫來,拉雜得很,望大家原諒。

我想講既係,即係大家入得黎呢個post睇得既 都相信 ...

同意你架
你見而家好多人都變左CD ROM 會開TOPIC既都係果几個 當中仲有唔少係半官方攝影師

但而家社會風气係咁 特別係網上平台 比較愛爭論
而且生產商又真係變得無品過以前(主要係講改色出限定 返用舊頭雕舊配件但又唔降價)

所以我都開始要自己習慣, 其實咁鬧下交都係討論既一種黎 唔啱就唔參與囉 唔好太在意
唯一希望係唔好咁多人身攻擊 其實大家唔識大家 何必咁出口咁狠
發表於 22-4-2016 10:01:17 | 顯示全部樓層
我其實都係想大家唔好太多怨氣
講番正題,佢寫到明Newly sculpted head sculpt with authentic likeness of Robert Downey Jr. as Tony Stark in the movie
我相信係新頭黎既,希望有1:4個頭咁上下就好滿意,不過今集Tony個頭啡啡地色,希望跟番啡色頭髮啦
有樣都幾不滿:雖然佢依加ironman隻銀色由pepper隻mark9開始用1:4果種重金屬感既銀,但金色仲係用番偏黃既色。如果用番1:4果隻色就好,反正上色啫,照計用到係細size既1:6到
反而好有興趣想知咁多燈,佢會點處理,用咩方法去透光,好期待。不過自己唔敢拆黎研究,怕整爛,如果到時有專業既師兄拆黎研究順道分享下就好,都好想知入面係點。
發表於 22-4-2016 10:06:27 | 顯示全部樓層
討論區就係用黎討論,開開心心睇下Post!
吾啱睇就過左佢算啦,上得TD耐都學識左喇
發表於 22-4-2016 10:15:57 | 顯示全部樓層
呢D論點年復一年...睇過一笑置之……何需認真
發表於 22-4-2016 10:26:56 | 顯示全部樓層
hawker 發表於 22-4-2016 10:15 AM
呢D論點年復一年...睇過一笑置之……何需認真

無錯!   直情係Post復一Post
發表於 22-4-2016 11:17:48 | 顯示全部樓層
fruitswai9 發表於 22-4-2016 01:28 AM
基本上已經唔睇好HT~佢有佢唔志在香港市場,我地睇得出佢咁唔志在亦都唔阻佢邁向國際 就好似日本垃圾MEDIC ...

m记真喺纯粹自取灭亡。。。
其实我好想有间厂可以出翻D rider,素质有翻HT d水准唧
發表於 22-4-2016 11:29:50 | 顯示全部樓層
keishu 發表於 22-4-2016 09:30 AM
同意你架
你見而家好多人都變左CD ROM 會開TOPIC既都係果几個 當中仲有唔少係半官方攝影師

同意Ching, 開心見誠討論好好,最弊就係唔啱聽就人生攻擊,呢個先係今次嘅重點
發表於 22-4-2016 11:40:55 | 顯示全部樓層
本帖最後由 fruitswai9 於 22-4-2016 11:52 AM 編輯
sbc1d062009 發表於 22-4-2016 09:09 AM
有番說話想講下,順筆寫來,拉雜得很,望大家原諒。

我想講既係,即係大家入得黎呢個post睇得既 都相信 ...

CHING 你講野講得有禮,亦有你既道理,其實我都唔怕真小人D咁講,不用大家見諒啦,因為我念好多,尤其是早期玩HT至今,包括我在內既玩家都會覺得,係香港,以HT為首既1/6 FIGURE市場已經同當年好唔同,直頭變哂質.以前既HT,出既野有佢賺錢既主力線----同期電影系列(如TDK,IRONMAN 1...等等),亦有副線----懷舊電影,動畫,遊戲系列(教父,ALIEN,APPLE SEED,BIO 2...等等),甚至有D怪咖系列(火星人玩轉地球 同 小飛俠=,=) 重點就係,以前HT出產品,內容好廣泛,可以令人有很多選擇,但無可否認IRONMAN系列真係令佢推上高鋒,當年見到佢出MARK1,2,3官圖,我念沒人唔會哇一聲,因為真係正,佢做到了其他廠商都做唔到既野,我地讚嘆,我地推崇. 而重點係當時佢每一隻FIGURE都唔會濫出,呢個好重要,當然配件跟到足一足就更加唔使講,問心丫,我都唔講D人類殘餘物(炒家)了,講緊真係玩FIGURE既人會視自己買既FIGURE係珍品,會想呢隻角色既出產係獨一無二,可一不可再,內心會有一種好開心既收藏價值感,但而家呢?自從IRONMAN3開始,同時MARVEL計劃開始後,HT亦變成佢地既御用1/6玩具商後,問題就出現啦,HT集中出MARVEL野,一隻電影角色出完再出,有勁多唔同既版本,頭雕沒咩轉變,只係換過套衫出又一隻,呢個係令好多人個心不忿既地方(遲遲唔出貨?我個人認為係副帶既責備黎架姐)依家仲同CHOCOLATE經常搞咩野別色限定,仲嫌濫出得唔夠多??而早兩三年講會出既X-MEN FIRST呢?BIO 6既LEON呢?風雲漫畫版既聶風呢?<-----(拿~呢個係傳聞姐,不過都應該有想過出)
其實真係唔使再講果句勸俞說話了-->沒人逼你買,有講明,你可以唔買<--因為人地都唔係傻,應該話大家都係聰明既,明知佢MARVEL呢個系列仲會不斷濫出,一隻角色會有一浪接一浪既版本出現,大家睇明後,就真係會嚴選,唔會9衝.唔係沒人逼我買,而係逼我都唔會買.呢一版都係玩具討論區既一部分,係和平氣氛下,討論下玩具睇法,我相信沒咩問題
不過既然主題係MARK46,我亦尊重,回歸主題吧,呢隻MARK46,我希望佢會出1/4,因為28粒燈如果以1/4黎出會好壯觀,亦更DETAIL,講完
發表於 22-4-2016 12:01:28 來自手機 | 顯示全部樓層
Marvel多產後 HT最大問題係換湯唔換藥
係每套都要出返果堆角色 但你由ironman1去到civil war
全部人都木口木面
係得今次隊長有表情(所以我有訂)真係好惡頂

發表於 22-4-2016 12:15:17 | 顯示全部樓層
見到呢D罵戰真係無言
一齊傾下隻figure既細節,外觀,上色之類既野仲好啦
發表於 22-4-2016 12:25:07 | 顯示全部樓層
DiceK 發表於 22-4-2016 12:01 PM
Marvel多產後 HT最大問題係換湯唔換藥
係每套都要出返果堆角色 但你由ironman1去到civil war
全部人都 ...

IM個比例到宜家我都係覺得太瘦
唯獨係heartbreaker同MK45個比例我反而覺得唔錯
發表於 22-4-2016 12:55:28 來自手機 | 顯示全部樓層
DiceK 發表於 22-4-2016 12:01 PM
Marvel多產後 HT最大問題係換湯唔換藥
係每套都要出返果堆角色 但你由ironman1去到civil war
全部人都 ...

同感,隊長我都只買左Avenger 1版,見佢今次有得換面才再買,集集同一堆人,要嚴選了
發表於 22-4-2016 12:56:26 | 顯示全部樓層
fruitswai9 發表於 22-4-2016 11:40 AM
CHING 你講野講得有禮,亦有你既道理,其實我都唔怕真小人D咁講,不用大家見諒啦,因為我念好多,尤其是早期玩 ...

係架~
HT因為上左MARVEL水 而MARVEL又多產 仲加埋WB又有英雄片 HT根本做呢D都做傻
好難分到身出其他 (不過佢都有出異型既....)呢點係好可惜 (我仲等緊MGSV)

不過你見近年多左好多實力唔錯既牌子 好似HARRY POTTER間果間 出FIGHT CLUB果間 出黑幫帝國果間 仲有ACI 同 KA  加上好多頭雕師都出左黎接JOB做

我估j未來HT唔可以KEEP到咁多LICENCE 咁可以畀市場多D選擇 又可以令到HT可以做多D另類野
發表於 22-4-2016 13:02:49 來自手機 | 顯示全部樓層
niknay 發表於 22-4-2016 12:25 PM
IM個比例到宜家我都係覺得太瘦
唯獨係heartbreaker同MK45個比例我反而覺得唔錯


尋日見到隻46既辦相
條腰好似幼得濟,又係無左人著係入面既感覺
您需要登錄後才可以回帖 登錄 | 註冊

本版積分規則

Archiver|手機版|Toysdaily 玩具日報

GMT+8, 28-2-2021 12:29 AM , Processed in 0.023498 second(s), 18 queries .

Powered by Discuz! X3.2

© 2001-2013 Comsenz Inc.

討論區聲明:本討論區是以即時上載留言的方式運作,Toysdaily玩具日報討論區對所有留言的真實性、完整性及立場等,不負任何法律責任。而一切留言之言論只代表 留言者個人意見,並非本網站之立場,用戶不完全信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。由於本討論區受到「即時上載留言」運作方式所規限,故能完全監察所有留言,若讀者發現有留言出現問題,請聯絡我們。Toysdaily玩具日報討論 區有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一 切法律權利。

快速回復 返回頂部 返回列表