Toysdaily 玩具日報

 找回密碼
 註冊
查看: 5041|回復: 9

[玩具報告] 複製人雷神少少感想

[複製鏈接] |關注本帖
發表於 2-10-2015 02:12:00 | 顯示全部樓層 |閱讀模式


原本諗住攞埋Dark World版影一影對比照,但已經有其他網友影過,靚相亦有唔少,小弟就唔獻醜了,求其用個app影張算了,集中用文字講下感想

先發下驢騷,對已有上隻特別版嘅小弟嚟講,呢隻複製人真係雞肋,偏偏小弟又鍾意個新頭同發光鎚,結果又要俾錢。一路玩一路有俾HT出賣同起尾注嘅感覺,上次有兩個版本,點解今次只得手臂版?小弟唔介意HT將上隻特別版普通化,人人有手臂玩皆大歡喜係好事,但你都要顧下特別版嘅買家,出返個有袖版俾我地選擇吖...

驢騷發完講返隻figure,如果冇上隻特別版嘅話,呢隻絕對係必買神物,手臂軟淋淋脹卜卜夠你玩成日,包膠手唔係咩新鮮嘢,但配落雷神度又覺得特別正,呢啲可能就係所謂嘅『特別版情意結』

新頭變返嚴肅目口目面,似十足真人,但就冇眼前一亮嘅感覺,可能因為上一隻已經做得太好了,所以今次超越唔到好多,而家兩者各有千秋不相伯仲,但小弟鍾意新頭多啲,因為嚴肅合口比較適合排排企。另外新頭髮色淺色啲比舊頭順眼好多

新嘅發光鎚正到暈,唔開燈時係銀色,著燈後透出陣陣藍光,仲見到鎚內嘅質感,最正係重量比金屬鎚輕好多,終於有個輕身嘅鎚俾雷神攞住唔會下垂了。至於啲雷電特效件,太平面唔夠立體,不用也罷

成隻鞋跟返電影改咗,變咗厚身波鞋底,但呢啲現代鞋款根本唔襯呢位神仙,不過呢個係電影本身設定問題,唔關HT事

身上銀色多咗成隻figure順眼咗,上隻用太多金色了

今次加高咗成隻figure睇落更高大,膊頭低嘅觀感亦改善咗,但有少少手短腳長

Body外甲改咗少少跟返電影新做型,但改啲又唔改啲半桶水跟唔足,睇得出HT想慳成本,明顯嘅分別就改,唔顯眼嘅就側側膊唔多覺

個影相app雖然冇咩玩但其實幾有心思,營造出一個3d嘅環境,你可以移部手機去睇清楚每隻Ultron兵嘅細節,而且唔只同雷神互動,遲啲仲會支援其他figure,不過要scan到地台正面先玩到就有啲麻煩,要放隻figure上地台先啱鏡頭位,但又要scan到地台正上面,你玩我咩?另外鏡頭好似冇得對焦,影極都濛查查,希望下次更新改善下啦

講到尾呢隻雷神係一隻好完美嘅figure,但衰在同上隻太重複,冇上隻嘅一定要買,有上隻嘅都不防追返個頭同發光鎚玩下


發表於 3-10-2015 17:50:05 | 顯示全部樓層
當時睇了A2的預想圖後, 見唔到兩套衫有大分別, 我便毅然決定放棄DARK WORLD兩款, 因為我相信下1隻總會有D進步.
發表於 2-10-2015 08:14:06 | 顯示全部樓層
本帖最後由 mugfei 於 2-10-2015 08:16 AM 編輯

Thx for the comment. Very detail. 我就是有上一版所以pass.
發表於 2-10-2015 09:54:31 | 顯示全部樓層
Thank you for the review!
同樓上師兄一樣,有上隻(非輕甲)所以PASS左
但上次冇入既話我都會入可惜
發表於 2-10-2015 11:08:19 | 顯示全部樓層
簡單D...
睇你想要Dark World 嘅雷神 定係AOU 嘅雷神之嘛
如果只係為左有隻雷神玩下,咁其實無乜所謂...
發表於 2-10-2015 12:10:59 | 顯示全部樓層
簡單來講……呢隻另到上一隻露臂冇咁高收藏價$
我2隻都有……呢隻係各樣都真實左完美左
發表於 2-10-2015 13:36:32 來自手機 | 顯示全部樓層
文字report,good a!
發表於 2-10-2015 14:58:46 | 顯示全部樓層
nice report,support!!
發表於 2-10-2015 17:27:46 | 顯示全部樓層
有袖版喺電影都係曇花一現又同上隻無乜分別
最重要係通街都係貨
「Toys hunter可能重有現貨添」
Ht 又點會再出多次呢
發表於 2-10-2015 17:38:42 來自手機 | 顯示全部樓層
謝謝詳細報告,家中已有兩只雷神,HT唔出植發我都唔會落疊。
您需要登錄後才可以回帖 登錄 | 註冊

本版積分規則

Archiver|手機版|Toysdaily 玩具日報

GMT+8, 31-3-2020 03:29 AM , Processed in 0.030247 second(s), 18 queries .

Powered by Discuz! X3.2

© 2001-2013 Comsenz Inc.

討論區聲明:本討論區是以即時上載留言的方式運作,Toysdaily玩具日報討論區對所有留言的真實性、完整性及立場等,不負任何法律責任。而一切留言之言論只代表 留言者個人意見,並非本網站之立場,用戶不完全信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。由於本討論區受到「即時上載留言」運作方式所規限,故能完全監察所有留言,若讀者發現有留言出現問題,請聯絡我們。Toysdaily玩具日報討論 區有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一 切法律權利。

快速回復 返回頂部 返回列表