今日去HT換件有感

我愛媽咪

之前小弟隻Black Widow件衫有事，實況之前有提，不細表。
今日帶單去換，冇乜人，職員叫我去「配葯間」等候...
照去，有四眼男職員招呼，照例，俾單，解說邊度唔妥...
四眼哥哥叫等等，攞隻新嘅俾我睇...
就係咁，一去，消失在黑布幕後，分幾兩分鐘，唔見人...
小弟奇怪，你去攞隻新，轉個彎到檯面前就攞到，但係就唔見佢去櫃面攞貨，
好似喺黑布幕後面，搞一大輪咁...
小弟心想，你唔係返入後欄，攞件「次貨」、「退貨」或「六神合體」嚟敷衍我呀？
分幾兩分鐘之後，四眼哥哥出現，果然手攞一隻冇包裝，冇盒嘅齋公仔出嚟話係全新嘅！
點知一睇！嘩！經典囉！髮線又歪、腰帶扣又歪、褲浪又車到唔對稱、背後V字位，又崩！簡直係一隻次貨中嘅次貨！果然不幸俾小弟估中，真係搵隻次貨嚟打發我！又勸我最好唔好換啦！
小弟當然唔滿意，要求睇多隻，並要求攞一隻新嘅，喺我面前開！（佢哋而家係可以睇兩隻）
當然四眼哥哥，即刻表示不滿，話咁樣好無謂，隻隻都係咁！
但小弟要求下，佢無奈，唔駛十秒就攞盒全新來，開俾我睇！根本頭先就係入貨倉抄舊貨俾我，先至咁耐！到攞新貨就喺面前，所以就話都冇咁快！
新貨雖然仍有小瑕癖，但小弟接受了！
這次是小弟第一次，喺Secret Base換件，但佢哋居然咁樣換法，根本就搵一隻次貨敷衍你，如果你唔要求佢攞一隻新，喺你面前開，佢哋分分鐘，又再攞另一隻次貨俾你睇！
最後，你就揀無可揀，唔換了！咁佢就不戰而勝！咁就叫俾兩隻你揀！太混賬了！
所以奉勸各位大大，以後去換貨，一定要求佢當面攞隻新嘅，喺你面前開！咁係保障自己！

ForgetYin

特級豉油 發表於 21-8-2014 11:03 PM
到現在我也不明為什麼「沒看清內容」，多年來覺得hottoys那種「不變的問題」，好明顯就是凡事向壞方向想 ...

好偉大呀你~好頭頭是道呀你~難為你啦~長篇大論打篇 本末倒置文 原來佢公司貨不對辦 令客人中SAD貨,係客人既問題,唔係佢生產,管理上既問題;原來客人上到去,想換番件好貨,係太完美主義,應該強忍件SAD貨,件FIGURE跛腳甩頭都自己銀左佢,唔好上去換,等佢HT 既員工唔使咁忙,工作時間內輕鬆D,咁佢地自然做得開心D,就唔會對客人黑面啦~你D念野方法直頭係極品啦,極品豉油~「還於無須任何查証下就於網上發佈自己想法」呢句最正,你咁勁,不如叫HT員工/老闆批准我地入去個間黑房裡面「查証下」丫~我撐你GA呢句,等佢地比我地「查証下」點解換極都係SAD貨都好GA~見你成日比人圍插,又要自己長篇大論咁打大篇廢話黎自圓其說 證明自己係正常人 都鄧你慘,算啦,返正你都沒得救+講黎都哂氣~~~~~~~~

ForgetYin

特級豉油 發表於 20-8-2014 07:56 PM
消費者如何對待自己購回來産品是消費者的事，難道到酒樓點楊州炒飯，侍應要問：「先生，食用還是欣 ...

既然閣下咁睇得開,咁又 "為什麼仍關注該TD網友對你指責既動向?" "甚至充滿怒火地去回覆話人侮辱你?" "邊等待邊辱罵，這種茅盾心態還不算有病嗎？" 你都可以唔使咁關注我地話你D咩野GA BOR~做咩仲要入黎TD睇姐? 咁閣下又知唔知點解人地會話你9UP?因為你講野真係好九唔搭八,你咪淨係識得用飲食黎做比喻,但又唔見得POINT中,唔岩我又用飲食黎做比喻丫 : 「我地出街食野,咁唔好彩係碟餸度有篤淡,叫樓面黎睇,即刻幫我倒左佢然後換過碟新鮮既比我,更甚既,如果比老闆知道,什麼有次唔收錢」見你次次拿出街食野做比喻咁"識食" 想問下咁使唔使叫HT老闆跟呢D良心食肆學下野? 今次有新野啦,電視機,原來閣下幾萬蚊買部電視機番黎係要睇個盒美唔美觀,咁又真係幾病態,唔怪得對方會有面色。不過我1年前買左部SAMSUNG 37"電視,第三日發覺有7-8粒死點,SAMSUNG維修保養係電器行業出哂名PK GA 啦,但我打個電話,都居然第三日就有人黎幫我換機搞掂番啦,咁HOTTOYS又做唔做到呀?佢連我地送埋上去比佢、求佢、拜(託)佢幫我地換都仲要多多規則串77呀。

"最重要自己也曾親身訂貨、取貨及換件經驗，根本就不是那回事。" 如果你咁講,我只有幾個結論。1.你沒玩過HT,之前既根本老吹 2.你玩過HT,不過你咁好彩,上去換貨不過三次,所以你沒
遇到D黑面神 3.你識得選擇性失憶,無限量發揮阿Q精神 4.原來你係佢地既........

唔好念到HT/自己咁偉大,講到個個都好似沒左HT唔得咁,"仍關注該公司動向，甚至充滿怒火地去下訂？" 你覺得? 你講姐,有唔知幾多人對HT已徹底死心,沒有再買,你X知?我有幾個FRIEND中左兩次招後就唔再買唔再訂了,唔通要約你出黎 係你面前金盆洗手話聲你聽；正如當你係呢度大義凜然,人人以為你忠心地護主之際,點知原來係背後獲獲奶野,次次係SB度媽得D職員最甘果個就係你,難道你又會係度交代聲比我地聽?
我地有我地發洩,見到不平事出聲,我就從來沒期望過HT班人會改進,會聽民意既就唔會越做越差,手頭上仲有6張單,就可以同佢SAY GOOD BYE~你會同我講 : 好閒夾唔送 ; 我會同你講 : Hottoys會爆炸GA,好自為知啦

特級豉油

toyman 發表於 19-8-2014 04:10 PM
好欣賞C兄嘅態度,平常心去換件洗乜要咁勞氣?
小弟上過幾次SB換件,黑房換件位哥哥態度幾好 ...

完全贊同！
人始終貪得無厭，假設hottoys今日取貨可兩盒任顧客「六神合體」，明天就會說應該三盒，當三盒就說四盒才合理.....

特級豉油

arllenk 發表於 19-8-2014 12:57 AM
咪係~!依條友痴q線~! 依豉油小朋友, 人地老闆都唔知你係乜水啦, 係度辦代表, 好既,正常既會俾人插? 就 ...

侮辱人要有限度！

有人正像洛威拿犬，難度我可以形容該會員是洛威拿？


註：洛威拿，脾氣差，具危險性，又很自我中心，個性很大膽，而且經常衝動，一般人不容易控制牠

fruitswai9

ForgetYin 發表於 20-8-2014 11:43 PM
既然閣下咁睇得開,咁又 "為什麼仍關注該TD網友對你指責既動向?" "甚至充滿怒火地去回覆話人侮辱你?" "邊 ...

哈哈.......佢會同我講 : 好閒夾唔送 ; 我會同佢講 : 唔撚使你送

BESTOFANDY

roy9042002 發表於 21-8-2014 02:04 AM
一直以黎自己其實中sad機會都幾大,
好彩每次換貨sales 態度都算幾好 (多數都係長頭髮面瘦瘦果位)

不如係HT homepage set up 一個員工評分審核意見table.
每月最多投訴之員工要再接受training.
每月最多讚揚之員工可以有prizes.再撰出每月服務之星多加讚揚
咁可以提升員工優良服務之水平, 又可以令到同事認識自己服務何處可以有改良之地方,相互檢討.
再叫人每星期扮客人接觸問題員工, 之後給予意見
最後如果一些少數不良員工不能在一個合理的時間改善自我performance, 便要決定這些員工之去留問題了. 另外員工如果認為公司對客戶有不足之地方, 都可以提出.

arllenk

fruitswai9 發表於 21-8-2014 12:06 AM
哈哈.......佢會同我講 : 好閒夾唔送 ; 我會同佢講 : 唔撚使你送

wahahaha,好精~

arllenk

BESTOFANDY 發表於 21-8-2014 02:30 AM
不如係HT homepage set up 一個員工評分審核意見table.
每月最多投訴之員工要再接受training.
每月最 ...

好事黎,不過ht就是沒理會或懶得去做..

arllenk

特級豉油 發表於 20-8-2014 08:21 PM
侮辱人要有限度！

有人正像洛威拿犬，難度我可以形容該會員是洛威拿？

侮辱人要有限度? 咁你自己注意下自己言行喇, 1. 你唔知頭唔知路出黎護主已經有問題, 2.人地有point,有中招, 你就乜差都冇係度反駁, 最火果句什麼總統服務! 你都真係痴痴地。

你慢慢繼續護主啦, 我只知道係,佢係賣野, 我地係客, 沒有任何熟或同佢親既關係, 如果你覺得有, 人地只會笑你on 9。

你估真係咁多人肯買過千幾既膠玩具? 你估真係個個肯等成年或更耐所出既玩具? 你覺得件貨有問題,還要俾人咁對待?

你繼續慢慢思覺失調落去啦。

fruitswai9

roy9042002 發表於 21-8-2014 02:04 AM
一直以黎自己其實中sad機會都幾大,
好彩每次換貨sales 態度都算幾好 (多數都係長頭髮面瘦瘦果位)

果位哥哥仔,叫Samson非常有禮同斯文,算係ht不可多得既好員工,佢個樣仲有少少似洛基

arllenk

我隻超人都係咁, 原因係腰帶根本唔岩位, 同你所講,所諗既一樣, 不過見好過我隻少少就算,接受(我玩玩具心態係,少少移位,線位走少少都冇所謂果D人)

CHING,你隻有咩問題呀? 我剛拿貨啊~!

我愛媽咪

小弟隻Black Widow背後印花黑色「V」字位，V尾有大崩，所以拎去換！
我係唔滿意，佢哋用咁嘅手法去幫客人換貨！

arllenk

小弟隻Black Widow背後印花黑色「V」字位，V尾有大崩，所以拎去換！
我係唔滿意，佢哋用咁嘅手 ...
我愛媽咪 發表於 17-8-2014 08:25 PM

即刻開來CHECK CHECK先~!

係呀, 又等得耐,又要俾隻次貨,有問題既貨俾人, 千幾銀隻野,唔係俾依D SERVICE人既, 真係好有問題的

arllenk

個V字都幾唔對位, 不過都算, 成隻野係對眼好怪....睇睇下有D似彊屍果種死人樣.....

冇表情真係唔知點咁....,但講造工, 其他廠都難有HT既LV....

HT....請你改下大貨對眼啦...唔掂呀...

niknay

咁大間公司，仲要係做埋生產，咁既售後服務實在講唔通。

E神

回復 5# arllenk


    希望唔好成日出射尼眼。。。
搞到個頭差晒。。。。。

蒙眼佬

HT唔憂做，睇開D啦！

arllenk

回復  arllenk


    希望唔好成日出射尼眼。。。
搞到個頭差晒。。。。。
E神 發表於 17-8-2014 08:52 PM

係囉, 依家練緊油眼, 希望學有所成時幫佢攪攪...

davehammer

This is nothing new, they have always been like this even back in the Toy Hunters days.
Sad for Sad.

無腳甲醫生

每次去兆慢同SB取件,都真係要自備光管照照

特級豉油

看完篇文真的覺得很PK，但本人去換步驚雲包膠手時，等了差不多一小時才到我，其間開了兩個counter，主要服侍ironman，到我換完，其中一個counter仍服侍一只ironman，其間又沒有見到有任何人有黑面、不滿意，更沒有見到換時會用全新貨品更換，也沒有人要求，我想他們是有一批預備更換的沒包裝組件，說實在這也很合乎經濟原則，不用浪費包裝盒包裝成本，而本人還以為他們只更換手臂，結果是等了一會全隻步驚雲換，所以我想樓主可能也只是誤會一場。

fruitswai9

之前小弟隻Black Widow件衫有事，實況之前有提，不細表。
今日帶單去換，冇乜人，職員叫我去「配葯間」等候 ...
我愛媽咪 發表於 17-8-2014 08:08 PM

做得好丫樓主,我之前中SAD貨要上去換,一開始俾完張單佢睇,係佢入去前,我一定會同佢講：我要你係我面前開隻新既比我睇,大佬你地玩魔術呀?定要做手術呀?黑布遮實哂,我9知你地係入面做乜? 佢地職員就會話：先生,入面果D全都係新貨。 我會直接講：你話姐,入面果D全部係新貨,咁唔通counter後面(出面)果D全部係舊貨呀?我依家有權要你開一盒果度新既一盒比我,你公司沒規定/教定你話唔得呀麻? 最後個PK職員就會死死地氣去拎。賤老闆 教出賤員工 做出賤作風。佢夠膽死係我面前黑面?我呢個超級SAD貨王塊面先過佢地黑十倍阿。
樓主做得好,我地買野既,有壞就要換,理直氣壯,佢地黑面我地可以更黑面,唔使龜縮

28星雲

之前小弟隻Black Widow件衫有事，實況之前有提，不細表。
今日帶單去換，冇乜人，職員叫我去「配葯間」等候 ...
我愛媽咪 發表於 17-8-2014 08:08 PM

唔只玩具既,有時就算買其他野,D SALES一樣咁PK,拿壞貨換比人.....

28星雲

做得好丫樓主,我之前中SAD貨要上去換,一開始俾完張單佢睇,係佢入去前,我一定會同佢講：我要你係我面前開 ...
fruitswai9 發表於 17-8-2014 10:09 PM

CHING,你好有霸氣,你講得好......我就沒咁大膽,有次上去換隻PREDATORS,佢件網衫斷左,個職員話係正常既,有時玩玩下都會斷,我信以為真,又見佢口黑面黑咁...最後都沒換到....