Toysdaily 玩具日報

 找回密碼
 註冊
查看: 32675|回復: 151

[詢問] 太耐無買玩具,想問下而家係咪唔比開盒check貨換貨???

[複製鏈接] |關注本帖
發表於 4-8-2013 19:36:03 | 顯示全部樓層 |閱讀模式
本帖最後由 ssricky82 於 4-8-2013 11:42 PM 編輯

做左cd rom咁多年,一直都無出post,真係sorry。
但真係無試過買玩具會咁唔開心既經歷,今次真心想update下自己,係咪而家買野唔可以開盒check貨,有花就唔會換貨。

早兩日,去皆旺買 sr巨靈神,因為盒面睇唔到裡面,咪要求開盒check貨,阿姐話要收左錢先,我都覺得合理咪比錢先囉,阿姐仲比埋交剪我但我無用,用自己cutter開膠紙。
第一箱,大脾位銀色油有2cm長既花痕,我要求換,阿姐比第二盒我。
第二盒,腰位銀色油有凹痕,如圖,圖係最尾。
我再要求換,阿姐就開始發難,佢唔肯換,我咪要求攞返錢走人,佢唔肯回水,聲稱賣幾十盒都無試過有花要換,聲稱錢就收左,叫我是但揀一盒走。
嘈多兩句,佢先話自己話唔到事,要等阿仔返黎,我問等幾耐,阿姐話"唔知,你等得就等"。佢打比阿仔,我同阿仔係電話傾左幾句,聲稱因為我開左盒就變二手貨,唔會換比我,叫我唔鐘意咪報警。收線後,我再問一次阿姐肯唔肯回水,唔肯我就報警,阿姐唔肯,於是我報警。差人黎到,阿仔亦返到黎就已經起勢鬧我,佢既論點係全行都係咁做架啦,唔會舖頭換貨,要換就要我自己換bandai,開左盒就變二手,佢會蝕左好多錢。差人話佢都無權叫阿仔回水比我,我只可以民事索償或者消委會告佢。差人話玩具實有瑕疵,叫我唔好做驗屍官,我咪話我唔係驗屍官,我開盒比差人睇,差人無言。阿仔唔肯換貨唔肯回水,差人亦無野做到,大家進入膠著狀態。
最後,我攞有腰位花左個盒走人。

我唔係想大家評論誰對誰錯,只係想問下大家買玩具是否已經要靠運氣?貨都未出門口都無得換?遇到咁既情況可以點?

***注意,圖係經過光暗調較***

***注意,圖係經過光暗調較***

***注意,圖係經過光暗調較***
發表於 4-8-2013 19:40:33 | 顯示全部樓層
少少花都肯比你開第二盒已很好盒盒開過晒揾鬼買
發表於 4-8-2013 19:46:50 | 顯示全部樓層
花件.....本身就係好少會換......肯開到第2盒 已經算幾好...
發表於 4-8-2013 19:53:29 | 顯示全部樓層
你問問題前. 先問下自己會唔會俾錢買盒開過晒既貨??
發表於 4-8-2013 19:56:48 | 顯示全部樓層
缺件錯件壞件先可以換, 甩油花件無得換, 好多鋪都係咁
發表於 4-8-2013 20:03:49 | 顯示全部樓層
少少花大鋪都冇得换,現在玩具D QC無花才怪。呢二年,我買bandai 末试過冇中sad, 差在多定少,圖中的sad 位不算嚴重了。
 樓主| 發表於 4-8-2013 20:17:20 | 顯示全部樓層
兩盒都係花痕好明顯,我唔係驗屍官。
發表於 4-8-2013 20:21:36 | 顯示全部樓層
其實學其他大大話齋, 不如比咗錢求其攞盒走算啦, 仲有, 下次唔好去"雞旺"喇!
 樓主| 發表於 4-8-2013 20:37:19 | 顯示全部樓層
其實學其他大大話齋, 不如比咗錢求其攞盒走算啦, 仲有, 下次唔好去"雞旺"喇!
半田健人_555 發表於 4-8-2013 08:21 PM


唔去雞旺?咁可以去邊 XD
 樓主| 發表於 4-8-2013 20:39:07 | 顯示全部樓層
謝謝各位回覆,同埋我想講 sr巨靈神真係好正,我玩得好開心 XDDD

其實....我唔知換張膠紙難唔難?
發表於 4-8-2013 20:49:51 | 顯示全部樓層
樓主∼好明顯係你問題∼小事化大!

如果每個客人都好似你咁∼一箱玩具∼都唔知賣唔賣到一半∼其他都要當二手賣?

那還有人賣玩具?蝕錢也要為玩家服務?
發表於 4-8-2013 21:00:13 | 顯示全部樓層
缺件錯件壞件先可以換, 甩油花件無得換, 好多鋪都係咁
if you want a perfect one, you may like some ching in here who buy few boxes for selection
發表於 4-8-2013 21:03:49 | 顯示全部樓層
本帖最後由 宇宙之王者 於 4-8-2013 09:05 PM 編輯

兩樣野,我個盒OK,一盒過攪掂,但我無CHECK,回家先開,我好少CHECK件,除非盒野真係好貴,但我亦唔係次次咁好彩,有時比大大你個盒更誇張都有,但亦好少換...除非塊面出事或直頭欠件或爛件.第二,得罪講,我覺得鋪頭無題問,佢都比你睇多盒...玩具少少花真係實有,如果佢再開多兩盒比你,咁個三盒咁你係下一手當係二手定全新又賣比你好? 驗屍官每個人準則唔同,我試過放二手合金出去,個買家係電話同我講叫我放心,佢唔係驗屍官,結果出到黎每個PARTS都拎出黎CHECK.....我等左佢十分鐘!
發表於 4-8-2013 21:08:07 | 顯示全部樓層
自己帶CUTTER
要求開盒CHECK
CHECK兩盒
重點講完
發表於 4-8-2013 21:11:14 | 顯示全部樓層
你呢種強國人作風既惡行,以為洗小小錢就大Q晒果隻,仲要浪費警力而滿足個人私欲,定你刻意去玩野?建議你不如去返毆城買或改玩HT,任Check,而家有細舗可做到咁算係咁啦
您需要登錄後才可以回帖 登錄 | 註冊

本版積分規則

Archiver|手機版|Toysdaily 玩具日報

GMT+8, 15-7-2020 10:07 AM , Processed in 0.035677 second(s), 22 queries .

Powered by Discuz! X3.2

© 2001-2013 Comsenz Inc.

討論區聲明:本討論區是以即時上載留言的方式運作,Toysdaily玩具日報討論區對所有留言的真實性、完整性及立場等,不負任何法律責任。而一切留言之言論只代表 留言者個人意見,並非本網站之立場,用戶不完全信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。由於本討論區受到「即時上載留言」運作方式所規限,故能完全監察所有留言,若讀者發現有留言出現問題,請聯絡我們。Toysdaily玩具日報討論 區有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一 切法律權利。

快速回復 返回頂部 返回列表