Toysdaily 玩具日報

 找回密碼
 註冊
12
返回列表 發新帖
樓主: catcat

[新品消息] DID 終於出現役!!

[複製鏈接] |關注本帖
發表於 23-4-2013 18:03:46 | 顯示全部樓層
本帖最後由 joo200456789 於 23-4-2013 06:04 PM 編輯
Did做oem玩具起家,第一桶金係出日本武士甲,之後出一戰二戰至被人熟識。
catcat 發表於 23-4-2013 03:25 PM


DID 的故事 (老闆又係叫Howard) (文章是數年前的, 某些資料已outdate)
轉自[青雲路 889期]

奧巴馬figure大賺3百萬

DiD老闆Howard在上年10月尾推出了奧巴馬figure,結果賣了1萬隻,賺了3百萬。

奧巴馬的競選口號是change,冇錯!Change的確好緊要,美國要change,做生意更加要change。今時今日客人口味轉得快,產品除了品質好,還要有新鮮感才可留得住客人。一向主打軍事figure的玩具生產商DiD,因食正美國大選潮,推出奧巴馬人像figure,結果大賣1萬隻,成功為公司開闢另一個figure系列,帶來額外的3百萬收入。


DiD 老 闆 Howard 在 上 年 10 月 尾 推 出 了 奧 巴 馬 figure , 結 果 賣 了 1 萬 隻 , 賺 了 3 百 萬 。

記者瀏覽香港**網站玩具討論區,發現網友G'c勁讚奧巴馬figure,話造工仔細,連近鼻位的痣也跟到足,好似真人。而模型發燒友rvs亦說:「我都買Obama(figure),真係好正,佢對手5隻手指有鐵線,可以任意扭曲,做粗口手勢都得!」這隻由香港土炮DiD模型製造商製造的figure,全因手工好,配件多,在網上引起極大回響,figure於10月尾在美國推出後,總共賣出1萬隻,每隻約售60美元,生意額達4百多萬港元,盈利有3百萬,可見figure是一門大生意。


奧巴馬figure不但配件多,有很多部分也很像真,如奧巴馬左手上戴上金戒指,也跟到足。售US$59.99(約$470)


DiD網址:http://www.onlinedid.com/

手工好配件多成名


為了宣傳公司,Howard常贊助不同玩具展覽,而05年參加美國模型展時因推出二戰德國傘兵公仔,特地邀請了公仔所參照的真人來到場館為購買者簽名。


DiD的老闆Howard說:「推出figuretiming好緊要,其實諗到要出奧巴馬公仔時候已經遲,上年10月見美國大選好激烈,而美國坊間出一6吋奧巴馬同佩琳硬膠公仔,手工粗糙,先醒覺不如自己整番隻。我即時叫晒全team研發部十幾人放低手頭所有工作,一星期內做完資料搜集,即刻搵雕刻師造辦,一個月內起貨並推出市場,好彩趕得切美國11月4日總統大選。最初只造5千隻,後來奧巴馬勝出後更受歡迎,好多美國經銷商要貨,要再造多5千隻應市。」
DiD現時每年推出約二十多款自家設計的12吋figure,以生產戰爭模型figure為主,如士兵戰車,每款生產由5千至2萬隻不等,出口至歐美、日本及中國等地,每年營業額超過五千萬港元。DiD的figure出名手工好、配件多,像奧巴馬figure的容貌像真度高外,連西裝、皮鞋,也照足真人所穿來仿製,配件也達20件,包括共有3對手可以更換、美國國旗、咪和一張凳,可將公仔扮成演講時的情景,「製作前已經研究晒佢發表演說衣、打扮,跟住揀最經典演說造型出,而佢成日無名指戴戒指,我就其中一隻手上面加上金色戒指,務求令成個figure同真人一樣。」製作如此仔細,難怪這公仔一出便售罄,並在美國多個玩具網上論壇如OSW,得到一致好評。

半年時間搜集資料


製作這隻武士figure,Howard用了半年時間搜集資料,豐臣秀吉figure售¥38,000(約$3,000)。

Howard看中市場對精細玩具的需求,而多配件,也是他一直做figure的堅持,「我自己都係玩具迷,好明白figure愈多配件、像真度愈高愈有吸引力,所以我每做一隻figure,最少要用4個月時間做資料搜集。最深刻係我用半年時間搜集日本武士繩系盔甲資料做日本武士figure,為確保一針一線同真武士盔甲一樣,我親身到日本仙台市博物館同伊達政宗歷史館睇實物展品,我地問館長盔甲繩織法,好彩我之前日本留學識日文,而館長又見我專程搭飛機過幾有誠意,先至教晒我盔甲每個部位係點連埋一齊。」完成後,Howard送了這隻日本武士figure給兩間展館,因像真度高,更成為伊達政宗歷史館內的展品。

Howard以前從事IT網頁設計生意,到03年科網股爆破,便決定轉行,「因為自己好鍾意儲figure,同好多志同道合朋友一樣唔滿意市面上figure,選擇少配件少,而市面上最多係大路二次大戰美軍公仔,想搵隻德軍納粹公仔都冇。我有朋友有做開生產figure生意,佢問我有冇興趣一齊搞,所以就夾份設廠開公司專造figure。」Howard便在03年,動用積蓄與朋友合資6百萬,在大陸中山興建廠房。在04年前,因題材敏感,市面上從來冇生產過有關納粹德軍的figure公仔,Howard04年便推出了8款納粹德軍的figure,結果賣出了5萬隻,非常成功,事實證明了市場對不同類型的公仔都有需求,Howard可說是道出了模型發燒友的心聲。

分銷美國蝕過百萬



Howard與中國第一band羽泉樂隊在05年合作推出figure後,非常受歡迎,大賣4千多隻。(右一為Howard,右三、四為羽泉樂隊)

證明了市場的存在,但對做外國批發生意的初哥來說,Howard嘗了一個很大的教訓,「最初主要靠一個經銷商批貨到美國,但我係初哥,冇名氣,又唔識聯絡其他經銷商,佢就蝦我,我呢行係冇數期,一手交錢一手交貨,但佢要求我畀2個月數期,點知佢愈愈過分,拖數不特止,每次要我畀新貨先找上一期錢,試過拖成3百萬數冇找,不斷拖數唔係辦法,最後決定暫時唔批貨畀呢間經銷商。」以為要放棄美國這個大市場時,在這間經銷商旗下的一個員工便聯絡Howard,說可自組公司幫他發行公仔到美國,「佢覺得我figure質素好,唔批去美國好,因佢行內有唔少contact,照樣可分銷美國各地,佢仲唔設數期,所以我決定同佢合作。」

這件事令Howard明白到公司沒有名氣,要在行內生存很難,為了打響名堂,於04年,他花了二十多萬買了電影《魔戒》內甘道夫等7位主角的版權來出figure公仔,「呢套《魔戒》figure幫我好多,歐洲總共賣出超過2萬隻,令到我受好多經銷商注意。」此舉十分成功,令DiD成了出名的figure製造品牌,吸引了來自英國、法國及德國的經銷商和Howard接洽,吸收過往慘痛經驗,Howard在每個地方不只找一個經銷商批貨。而他為了宣傳公司,會贊助世界大型的玩具展、figure展等,令到DiD名聲更響,其後連大型玩具公司孩之寶也找DiD合件推出ACTIONMANfigure系列。而近年,Howard積極攻大陸市場,像與國內公司華誼兄弟合作,推出有中國第一band之稱的羽泉樂隊figure,賣出了4千多隻,以國內市場來說是不俗的成績。

名人系列拓展市場

面對影響全球的金融海嘯,Howard自言figure在世界玩具大市場內,屬小眾玩意,如收藏品一樣,影響較少,「以美國為例,我生產figure唔會放玩具反斗城度賣,只會hobbyshop內買到,去得買都當收藏品,或者貪佢手工好,買返屋企砌一軍事場景。呢比較高消費玩具,暫時銷路未見有影響。」

不過,Howard直言要到2、3月後才真正知道海嘯帶來的影響,所以他已作好準備,除了每月會出多兩款公仔外,還構思新系列,「戰爭公仔雖然受追捧,但出出去都係,市場好快飽和,所以我決定推出多唔同系列,好似名人系列係一個新嘗試,頭炮奧巴馬反應唔錯,我緊會陸續出多屬世界icon名人figure,有已經構思當中,詳情緊係唔話得畀你聽啦。」


DiD近年積極開發中國figure市場,故推出解放軍及醫療隊系列,更捐出2008隻figure給國內紅十字會,支持四川賑災。


醫療隊figure在中國約售RMB299(約$340)

後記

早前均富會計師行的統計顯示,港人的樂觀指數,受金融海嘯影響,由08年81急跌至今年的-49(最高為100,最低-100)。記者也不由得心感沮喪,但跟Howard做完訪問後就完全改觀。原本從事IT界的Howard03年科網股爆破,失去換股上市的機會,承受打擊,他沒有一沉不起,反而轉行從頭開始。之後經歷挫折被經銷商拖欠3百萬,他亦沒有退縮,積極解決困難,毅然撤換經銷商,至今更年賺近千萬,成為世界10大figure製造商,香港人習慣在挫折中成長,跌低,總可以爬番起身!

模型設計點入行?



模型設計不用憑創意設計,只需根據相片影像製作近似的模型。故香港並無專攻模型設計的課程,Howard說就讀任何設計的科目,均可成為模型設計師。即使現職時裝設計師,轉職任模型設計大約需訓練3至4個月,如要學習由造大人衫轉向造縮小了6倍的模型衫,初入職多由資料搜集員做起,人工大約有1萬元。
另外,以Howard的廠為例,要訂做簡單figure,包一套衫褲鞋襪,一般最少要訂2千隻,費用大約為50萬,而製造figure的廠商並不多見,但一般設在廣東省一帶。
發表於 23-4-2013 19:59:01 | 顯示全部樓層
Thanks for sharing
發表於 23-4-2013 20:04:11 | 顯示全部樓層
有無多D圖同埋幾錢?
您需要登錄後才可以回帖 登錄 | 註冊

本版積分規則

Archiver|手機版|Toysdaily 玩具日報

GMT+8, 1-3-2021 03:14 AM , Processed in 0.048040 second(s), 15 queries .

Powered by Discuz! X3.2

© 2001-2013 Comsenz Inc.

討論區聲明:本討論區是以即時上載留言的方式運作,Toysdaily玩具日報討論區對所有留言的真實性、完整性及立場等,不負任何法律責任。而一切留言之言論只代表 留言者個人意見,並非本網站之立場,用戶不完全信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。由於本討論區受到「即時上載留言」運作方式所規限,故能完全監察所有留言,若讀者發現有留言出現問題,請聯絡我們。Toysdaily玩具日報討論 區有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一 切法律權利。

快速回復 返回頂部 返回列表