序

個個遊完韓國回來都無玩具買到，所以筆者亦一心只係同佢女人去leisure，點知百貨公司間間都塞滿哂可以變形的勇者series，雖然買唔到變形金剛，都一於買返N盒勇者來補數！
（又一次證明……看萬個谷不如行萬里路）

具

與日版玩具比較，韓版玩具係好平。

當地人英文奇差，百貨公司守門口的staff連"toy"都不知道是甚麼，最好先把常用的韓文詞匯寫在咭片上(可請酒店裡懂英文的韓國staff代勞)，以備不時之需。韓文玩具發音是"橙爛噤"，去百貨公司說出來，應該都會講到你知去邊層係玩具漢城唯一見過有carrobot死貨的百貨公司。好似叫Le Claris (類似咁串啦。女油書寫叫Grand Mart，可能arm arm改左名)。呢間野似足香港D大陸國貨公司死貨堆哂上天花板，要學長頸鹿至見到有fire convoy，god magnus，carrobot 3brothers boxset(原色)，牙提篤，其他款就完全無啦。相信brave maximus已經俾識貨之人炒哂上ebay晨早賣哂了。 其他百貨公司好整齊似日式百貨，死貨係唔會show出來的(我買的勇者系列原來全部係係02或03年製造。唔怪之得間間都有!

要注意：漢城的百貨公司收八點，過左八點，你只好乖乖去
飲飲食食。 韓國個體戶的小型玩具店少之又少，很難找。主要去百貨公司好了。如果真係想去多幾間八下，可以去" techno shopping center"，B1，B2，7/F，8/F都有幾間玩具店(不過呢個商場主要係賣電腦野的，得幾檔無厘頭賣玩具) COEX Mall除左現代及樂天百貨店，仲有兩三間細玩具店，其中一間叫Gina world，仲有一間叫ani land(好似係咁)，可以順便去埋。 樂天世界除左樂天百貨店有玩具部，入口外仲有間不大不少的玩具店，有好些百貨公司找不到的死貨，值得去一下。如果想去韓國，現在開始籌備吧!因為七月中至八月中會再黎一次勁減，八月尾更會瘋狂五折sale，年年如是。我去時只是Easter sale，八折，可能暑假去會更jetso，good luck !

炒

韓版玩具質素比日版係差好多，自用就好，炒賣就死哽
韓具十宗罪：

1. 油功出界
2. 好多位仲有灰灰黑黑的污跡，在白位尤其顯眼
3. 水口無修好
4. 部份電度變哂普通色，有電度的都可能有唔勻循的現像
5. 原庄新貨都會缺件，離譜！記得開盒check哂至磅水
6. 貼紙痴力唔夠，耐左容易撓起
7. 膠質脆弱，擺耐左會容易拍爛
8. 全新的都會有些關節鬆到死
9. 某些模位些微唔arm，撞正合體扣位就大獲
10.parts痴歪位，重要係當眼位

所以自己玩，玩得過，買黎賣就好敏。睇得呢度個個醒目仔女，都知道件野在韓國係值幾錢。俾你三百五入，賣到五百都好叻(唔好忘記，好大個盒，你取得幾多件回來?每個人寄倉都有個限制，一次始終取唔到好多，如果郵寄回來，油費就可能令件野價錢double啦，得不常失)。

所以自用勁正，賣就無肉食重要做咕哩，白做!

錢

到達韓國機場的兩替店至換錢OK，不用在香港唱定先，市內所有銀行亦可以替換港紙到韓圜（只收港元的紙弊，即係十蚊港紙都收，但十蚊硬弊就唔收），不收手續費(但要show passport)(銀行周六及日休息)，市內的兩替店及酒店裡的rate很低，千萬不要唱錢。我去時匯率係七港元對一千韓圜約左右，希望遲下美元爭氣D，去返六港元對一千韓圜啦。

衣

東大門本來有個賣衫的商場有一層成層係賣玩具的(遊油書有介紹) 但原來已經全層封左，關門大吉。你去東大門只會買到衫，唔會買到玩具。(不過東大門係通宵營業的，你夜晚無野做，咪去買下手信俾親朋戚友囉) 韓國衫我又唔覺好平(我向來都唔肯花錢買衫)，波鞋我在香港都係二百至三百之內，貴過一定唔買。而且都係幾乎穿爛至買。

食

食就算係咁，因為我地去親都係食韓國style food。仲係有女油書介紹個D，兩個人每餐由10000至20000圜不等(有時豪D30000圜囉) 。二樓個種上樓茶座就4000至4500圜一杯野飲，餅又係3000圜左右一件，個價就好貼近香港。仲有。香港絕跡的burger king，韓國成行成市，多過麥記，我都專登食左一餐，正過麥記呀，另一間叫Lotteria的有種包勁減到1000圜，如果無乜錢又要醫肚，可以試下!

住

一定要自由行（經女行社book機票+酒店），唔好跟團，無時間俾你去買野。酒店首堆在明洞的"世宗酒店"，因為門口就係明洞地鐵站，方便運貨! 如果想同家人通電話，可以去是旦一間7仔(或其他便利店或機場都有便利店)買張5000圜的KT電話咭，夠用有凸! 酒店lobby一個暗角有插咭電話(要找找，唔難找到)，可以用到! 另外周街都係插咭電話停，好易打! 如果用酒店電話直打IDD就貴死了。租行動電話的話，機場有LG shop可以租，都係5000圜一日(但IDD及local call都另外收費) 千祈咪去冬蠅油，佢個自油行即係跟團，只係去到你就自己行唔使跟佢車咁解，寒空公司及寒班時間都係勁差的。其他我唔知，請務必查詢清楚寒班時間至好俾錢! 去之前去大書局打書釘看幾本女油書，買就一兩本夠啦。玩具方面女油書實無講，你email問我好過!(只限漢城)

行

韓國路面交通係塞到白痴的，由機場去酒店逼於無奈要乘巴士，其他每程都一定要乘地鐵，指示勁清楚，實識搭! 不過轉車係要上上落落的，一定唔會係過對面轉。深夜十二時無地鐵就坐普通非黑色的士(黑色豪華的士就貴好多，咪上車!)，好鬼平(對比香港)。另外普通的士有D貼有"free interpretation"貼紙的 ，車裡有電話，可以免費致電，有識英文的人答你野，之後即時返譯俾的士司機聽，幾好!

稅

退稅要在百貨公司裡即日找裡面的tax refund counter填表蓋印 ，離境入左禁區check in前有個counter幫你辦手續，check in後在另一個tax refund counter可取回韓圜現金(即係逼你即時在機場的店又用返哂佢) 不過玩具不是退稅貨品，DVD反而好似有得退，其他不清楚了。(所以咁耐都無聽到人去完韓國會做退稅手續，因為唔係間間百貨公司有得退，現代無得退，得樂天有得退，又唔係樣樣貨品都有得退，怕煩的就忘了它好了)

跋

家陣日本arm arm俾特區護照免簽證，個個去哂日本，韓國就無人去，但係韓國女油個budget比起去日本係一半咋，淨返D錢用哂黎買玩具，你話幾咁爽！ 加上韓國一樣有好野食，靚風景，買衫買飾物亦平過日本好多。So…服說你女友／太座同你去韓國吧！

如果無女人，約個至同道合的Friend齊齊去橫掃百貨公司，仲爽！你做得到的！