序

提起玩具商場，相信很多人都識得先達、皆旺、信和及兆萬，其實還有一些商場都有很多玩具睇。今次訪問的玩具店座落於旺角中心 Chic 之堡。但由於要上樓梯的緣故人流反而不及以上的商場，究竟 Chic 之堡這商場有什麼特色呢？讓有善的玩具基地老細 Gary 為大家一一解答。

你的鋪頭主要賣什麼玩具呢？
Gary: 這兒主要賣扭蛋果子， PVC figure 多，也有些合金，主要是 size 不太大的玩具，我都願意賣。

講下你怎樣入行丫？
Gary: 其實我做貨車做了十幾年啦，後來公司裁員，見儲了一筆錢，於是在西九龍中心 5/F 賣精品。貨源主要是從廣洲搵下貨，及在深水步批發買，還有同一些玩具店拆下貨。 03 年 SARS 爆發，商場真係好靜，艱營十分艱苦。而自已一向都玩開咸蛋、扭蛋等玩具，於是把心一橫，把興趣變成自已的職業。在這兒租了一個鋪位賣玩具。由於這兒租不太貴，而且都有 D 生客，於是一做就做到現在。數埋都有幾年啦。 Chic 之堡起初同現在其實分別不太大，主要都是賣衫的商場，當時 3/F 有間 ”2 手街 ” 很出名，而 2/F 有間專賣 B 女的鋪頭，撐起了成個場。人流亦尚算 ok ，但隨著這些鋪頭逐漸結業或搬出，呢度真人流少了，現在比較有特色是 2/F 專賣 Disney 陶瓷精品的鋪頭。

既然這樣，你有什麼經營策略？
Gary: 呢度最大問題是顧客要行樓梯上黎，但租金又俾旺角其他商場為平。好彩冇乜鬥價情況出現。鋪頭玩具價格通常是根據外邊玩具鋪做指標， D 熟客話給我聽。 ( 當然他們都是好客，唔會亂作個價 ) ，如果可以，我亦盡量滿足客的要求。至於經營策略，我都想同客人打 winning ，可惜這兒實在太細，唯有做好自已。我想最重要是態度，多 D 同客人交流，卡通片什至動漫，佢地唔買野都可以傾下計，自已又學到野，又唔會咁悶。盡量唔好責貨，貨去唔到就平 D 散左去。最得著是做左咁耐，得到了一班支持的熟客，這真是非常難得。不過無論做幾多野都好，最重要反而是玩具商方面，好似龍珠就算幾受歡迎，出黎出去都係果 D 人物，講真我係顧客都冇心機買啦！

你可說是賣扭蛋的專家，介紹下你所賣不同種類的蛋丫？
Gary:唔好咁講，我都係學緊野。 扭蛋通常出得得意 D 會比較受歡迎， e.g. hello kitty 蛋、扭蛋機蛋， Seed 、龍珠都有一定的捧場客，而手機繩蛋銷售就一定差 D 。主要廠是 bandai 、 Yujin 、 Ecpoh ，還有一些細廠，如專出鹹蛋的 D.G..P 。 Bandai 通常套裝買多受歡迎 D ，而 Yujin disney 蛋多，比較多人扭。 Ecpoh 就出一些電玩，冷門少少的產品，通常槍會叫座 D 。至於價格，有 100yens ， 200yens 及 300yens 蛋。還有一些冇得扭的 500yens 蛋。

盒蛋出的量比以前多了許多，因質素可以做得好 D 及貴 D 。與扭蛋比較，同是 500yens 可做得大隻 D ，而且可玩性可 D 及細緻 D 。 Bandai 出及可動扭蛋但都做唔到盒蛋的效果。價格約 300 – 700 yens 左右，而主要廠是 Unifive ， Yujin ， Kotobukiya, takara ，都幾多公司有做盒蛋。

謝謝 Gary 的介紹，亦感謝他時常借玩具小弟影相，祝他生意興隆，工作順利。

玩具基地 : 旺角彌敦道 602 - 608 號 Chic 之堡 1 樓 118 室

(編者按: 玩具基地已於2005年年尾搬到旺角信和中心1/F)