序

先前我們介紹了很多九龍區既玩具店，今天有幸訪問到新界區一間無論服務、價錢都唔錯的玩具店「東京馬尺」。鋪頭位於大埔廣場，而老細名 Benny Chan。小記發現很多住上水、沙田及大埔既朋友都會到此店購物。

以下是本報記者與 Benny 的訪問內容。

大埔區玩具店多嗎？主要集中在那兒？
Benny：大埔玩具店主要集中在大埔廣場，約6至7間左右。而大埔中心亦有少許。

可否先介紹一下貴鋪？為什麼由賣日本明星野，轉做賣玩具？鋪頭主要售賣什麼？
Benny：我於 1999 年開始賣日本明星野，因為當時潮流興日本明星，而且當時日劇又多，香港電視台更大量播出日劇，於是我就同朋友合資開餔賣日本明星野。到了 2001 年，日本明星熱潮開始減退，相反日本玩具精品又越黎越多，於是入少了明星物品，入多了漫畫精品。漸漸發覺這一行都有得做，漸漸成了現在的玩具店。鋪頭主要售買最新的玩具，通常集中在細件的東西，如扭蛋、盒蛋等等。合金、figure亦有售，但佔的比重不大。

你們的客路又是怎樣呢？有乜什麼策略可保持競爭力呢？
Benny：我們有 70% 都是 20 - 40 歲的客，消費能力較強。30% 是學生客。附近雖然多學校，但學生消費力較弱，window shopping居多。現在我們有八成的收入來源來自玩具，只有少量是日本明星野。至於策略，我們睬用簿利多銷既策略，因為同場既對手，價錢好平，所以我們會在售價入手。作為一個銷費者，價錢係一個好大既問題，平既話先可以吸引到佢買。加上大埔區的行家，價錢競爭好大。與旺角市區既餔頭比較，價錢平左好多。打個比喻，旺角區可能賣 $48 的貨品，但係們就要做到$45左右。

既然這樣，會否做成惡性競爭？而你們定的價錢咁平，貨源在那兒呢？
Benny：始終生意價格是否吸引到顧客實在重要。有競爭亦在所難免。但我們不會刻意拉低價錢，唔賺或蝕賣來搶客，亦不會與行家鬥得好賤，以免做成惡性競爭。至於貨源方面，當然不能只依賴行貨，我們有返行貨及水貨，而且有朋友時常在日本返一些玩具及難搵的貨，如某些玩具的71限定版。

時常有鋪講批發所給既「死貨」，你們有什麼對策？
Benny：其實做生意，關係係好重要。唔係話為了錢，互相都可以幫助。有時同批發拎貨，可能今次蝕Ｄ錢比佢，但都會希望遲Ｄ會在他身上取得更多的好貨。我們做生意，是長線而不是短線，要互相幫助先得。如果真係有"死貨"，平一點賣出去算吧!

你有儲開玩具嗎？最喜歡什麼玩具？
Benny:小弟一向都玩開玩具，而且時常行街買玩具。以前最喜歡搪膠，如林狗等，而家冇玩lu..主要儲扭蛋、合金。最喜歡SIC及星矢系列的聖衣神話。(hehe..原來老細和我們一般玩玩具的都是一樣!!)

你們鋪頭將來有什麼大計？
Benny：我地現在其實開始由零售，慢慢開始做批發。好多行家都同我們拎貨及拆貨。不過我們賣的貨品都會跟著個潮流黎賣，跟著個潮流去走，說不定遲Ｄ潮流再轉，我們會做第二樣呢!

從訪問中小記得到一些啟事，做生意不可一成不變，要尋找不同貨源，亦要看著潮流的吹勢，謝謝Benny給我們的意見。Benny 有時都會上本網既討論版睇野，見到好多 Fans 討論價錢都討論得好激烈，其實，市場價格可升可跌。有時如果來貨多，周街都有貨就自然要平賣，有時更要用成本價黎賣。貨來得少，就自然要賣貴一點，其實不是玩具行業，其他行業既生意方法，都是這樣。

地址:大埔廣場２樓聚龍閣Ａ４９號