序

講起玩具店，很多人即時聯想起一個有趣的數字"99"。今次Toysdaily編緝部邀請了這間擁有30多年商譽的玩具店負責人接受訪問。東主謝先生十分健談，詳細講述了30多年玩具市場的變化。

以下是本報記者與謝先生的訪問內容。

可否介紹一下貴鋪頭?為什麼會在屋村開鋪呢?
謝:30多年前，本人於油麻地榕樹頭開生活雜貨店，直至政府遷拆那兒，我們是第一批被派到牛頭角的。當時四周冇屋村，我們可說是來開荒。起初都是做回百貨店的生意。後來有些玩具批發的行街來兜生意，話可俾貨我們賣，不用成本。而賣到後亦可分佣。其中一個就是”藍奇”兩兄弟(瑞華行的前身) ，我們見有利潤可圖，於是一做就做了30多年。

以前的玩具店和現在有什麼分別？客路又有什麼不同呢？
謝:以前賣玩具集中在百貨公司內。多數是台灣及日本的電動車及電動甲人。而20多年前的變形金剛最靚最好賣。最有趣睇住有d小孩細細過一路幫趁我們，買了幾十年，而家儲到成倉都係正野^0^。以前D玩具品質比而家好好多，又靚又好玩。而家改少少又出一件，改隻色又出多件。批又批得貴，跟本想買的玩家都消化唔到。至於客路方面，現代太多野吸引細路啦，上網呀、遊戲機，真係少0左好多細路玩玩具，只是當時電視做乜，果樣玩具就得，如果唔係實唔掂，就連BB戰士都死。合金魂D機械人而家D細路一定唔識，主要係出俾D年紀比較大、有經濟能力的一群人玩。

係玩家都知你們的貨價廉物美，而一般出面少貨的玩具你們都有足貨，為什麼呢？
謝:可敢講我們貨品可說全港數一數二平。首先，我們的鋪頭鋪租不貴。其次，我們的信譽好。經過30多年的經營，唔拖數唔退貨，同” 行” 的關係十分良好。通常有貨派都唔駛俾錢住。而且還有得退。(咁耐我們都未退過貨) ，由於有好的信譽，想要幾多都可取到幾多貨。(但有時都會cut單) ，就係因為價錢平，好多行家都黎入貨。為要顧客能買到玩具，有時去到差唔多賣汰要加些價等d顧客都買到。

你們售玩具的策略又是怎樣呢？
謝:家下經營玩具店的利潤十分微，而且格價浮動大。顧客以前個個搵到錢，好豪爽。而家經濟冇咁好，顧客買野格到最平價，唔抵唔去買。貨品又出得密，設計又不加心思，改少少野又出一次。每當”行”派到足給我們的玩具件貨就實死硬。我們售玩具的策略，主要是貨品唔會留住等升價，賣汰就賣汰。亦唔會收訂。我們都有所謂死貨，死貨就寧願平賣或蝕賣，最重要唔好屯積貨物。好似今次星矢合金5合1咁，寧願蝕賣，$599唔得就$499.. 寧願套現返d錢黎買其他可賺的貨品，拉上補下，好過賣唔去阻住d位。由於我們價錢平，貨品來得快亦去得快。其次，我們會節日性轉變我們的玩具售賣重點。如新年前，我們會收起汰D玩具去倉，擺D新年裝飾出黎，佈置汰成間鋪頭有新年氣氛。聖誕前，又主要做聖誕裝飾，這些貨品反而賺到錢顧客都唔覺貴。(現在是6月，鋪頭真擺滿水泡) 。做生意最緊要唔怕蝕，今次唔得下次再黎過。亦要肯變通。

最後想問，若果這屋村要清拆重建，你們又有什麼打算呢？
謝:屋村清拆方面，而家都未通知，我想最快都要09年。我們亦未有什麼打算，到時可能轉行或退休都未定。

謝先生奉嚾我們，有廿、三十萬在手想攪生意，最好唔好攪玩具，因好容易會蝕清光。而家玩具店好多時派完貨後要立刻找數，少一點流動資金都不行。玩具鋪競爭大，利潤又不高，有時大家應多多体諒他們的經營困難。從謝先生的人生經歷中我們能見証香港玩具演變過程，無論人生要做任何的決定都要以誠信去面對。畢竟30年的商譽不是一朝一夕可得到的。希望業界和顧客都能彼此尊重，才能保持香港玩具界正確的良好氣氛。

地址:牛頭角下村9座9號99商店