序
1994年，懷古角老細游先生想攪一們生意，因友人呀Paul從事日本懷舊玩具賣買，決定創立懷古角。經過10多年的經營，現已成香港買賣日本懷舊玩具的主要商鋪，懷古角總店在灣仔集成中心，而分店在油麻地In’s
point。今次小記有幸邀得灣仔店長James Lam接受訪問，真十分榮幸。
以下是本報記者與灣仔懷古角負責人林先生的訪問。
可否介紹一下貴公司?
林:懷古成立於1994年，以售賣懷舊玩具為主。貨品全部來自日本，而每日都有同事留在日本負責搵玩具。玩具種類主要是合金、大膠及一些潮流貨玩具。而懷舊玩具佔70%左右。顧客主要有幾類，一類以前曾經擁有該玩具而失去，要搵返那些舊玩具。另一類以前冇機會擁有，後來大了有經濟基礎，而要搵返那些舊玩具。還有一類，不過是少部份，是以舊玩具作投資的顧客。大部份顧客主要是搵合金，而亦以機械人為主。
好多人時常話去日本找玩具，究竟在日本找玩具容易嗎？
林:以前都唔駛點搵，去到日本找零售商，至少有幾十件合心水的玩具。去到日本公幹，可能第1、2日已完成工作，其他時間可休息。但而家絕對不可能，因懷舊玩具在日本跟本越黎越少，買一件就少一件。而家去一次trip，搵到5
-10件合心水的已經非常之好。還要搵勻日本各地才找到一少許。
懷舊玩具的格價這十多年的變化大嗎？而玩舊玩具主要又是什麼人呢？
林:變化實在非常之大。97年是高峰期，玩具亦最貴。之後有些回落，但隨著玩具越搵越少，懷舊玩具售價好多都追到97年的高峰期。如金毛獅王DX合金，97年全新唔over
$7000，而家全新一定過萬。在日本找，新品至少150000yens，而且一早就俾人預訂了。至於玩家方便，玩超合金其實是世界性的。亞洲主要是香港、台灣及泰國人。而外國主要是美國、意大利及法國人。至於大膠，香港始終各人家居環境比較濟逼，始終冇美國、日本咁流行，而意大利等地方都冇咁興。但都有一班固定的fans，通常返了些罕有的大膠玩具，很快就會賣出。
為什麼會興起儲超合金的熱潮呢？
林:50年代日本主要玩具是膠品，一直到70代。但隨著中東打仗，石油價格上升。製膠的成本因而上升很多，日本人唯有搵新的玩具源料。而合金就在這時應運而生，加上電視的推廣，玩具的可玩性極高，合金的受歡迎程度相應增加。另一原因是合金玩具主要是英雄及機械人，形象十分威風，深得小孩們的喜愛。
懷舊玩具咁貴，唔擔心復刻影響價格嗎？你對玩懷舊玩具的朋友，有什麼意見可題供他們呢？
林:當然唔擔心啦，始終復刻都有唔同。而舊的又越黎越少。E.g.
K7大膠，復刻過多色，但舊的popy版回收價都80萬yens。玩懷舊玩具主要因情意結，孩童看過從而產生歸屬感。而且其罕有度吸引人去追尋。但如果以這些玩具作投資，不如去抄其他好過。對於新一代有興趣玩的朋友，建議買一些平價及自已鍾意的懷舊玩具先，要累積經驗才會容易決定到玩具在市場的價值，這樣才不會買錯貨。還有一點，好多人忽略了玩具的保養，香港特別潮濕，尤其舊合金，玩完要用乾布抹件，才不會使其生銹或變質。
有人話舊玩具越黎越唔值錢，賣極都賣唔出，你們又點睇呢？
林:當然唔會，次次我們返貨很快已買汰(筆者亦感覺到)
，他們賣唔出因為個價錢與質素成唔成正比。好差Quality又咁貴當然冇人買啦，而且又要問下佢地有冇入錯貨，不是所有懷舊玩具都受歡迎，這又要講經驗。玩具香港返貨越黎越少，成本又越黎越貴，怎會唔值錢呢？不過，都識有人儲極都儲唔齊想要的，最後平價放了手頭的玩具。E.g.
五勇士合金，其他4隻價錢一般，剩係隻粉紅成幾千，有人儲極都儲唔到粉紅，唯有蝕放其他的，或錯價放出其儲的。新的玩具可玩性雖高，而且將來亦成為歷史，但升幅一定不高，因個個買家都以為可升價而一定都擁有。
最後想問一下，會唔會有懷舊玩具搵盡的一日，而香港儲懷舊玩具的人是否越黎越少呢？
林:可能會架，所以我們搵的貨品盡量適合不同需要的買家。如Jenny公仔、而家
D B女等新潮玩具。每類玩具有其獨特的地方。至於玩家方便，咁多年我們發覺一批批唔同的人。每時期都有一班玩家、收藏家、投資者。可能玩某類玩具到咁上下又轉向其他類發展，十分有趣。我們亦唔覺得玩的人越黎越少。
筆者亦是懷舊玩具的愛好者，對於店長James的睇法，小記深感同意。不過每人心中每件玩具都有其價值，覺得懷舊玩具的價值較是否值得就自已衡量啦，但懷舊玩具始終有一種勁度、古典味及童年的歸屬感，是現代玩具不能代替的。
灣仔總店
地址:UG23,C.C.Wu
bldg.,302-308 Hennessy road, Wanchai,Hong
Kong
電話:28324998
旺角店
地址:no.530-544
Nathan road, In's point 2/f Shop 203
& Shop 236
電話:2359-4918
|
