序

今次訪問的主角叫 Eric"筋肉戰隊"，Eric 絕對是一位玩具發燒友，家中到處都有玩具 ( 包括洗手間 ) ；但整体完全不覺得凌亂，而且十分整齊。他當然最愛是筋肉人及戰隊玩具，原來又同某些網友有間接關係。今次本報記者有幸探訪 Eric 的"筋肉戰隊"之家，真十分之榮幸 !! 以下是本報記者與 Eric 的訪問內容。

你儲了玩具多久，主要儲什麼玩具？
Eric: 其實都儲了 7 、 8 年左右，主要是出黎做事後儲到錢就開始買。而玩得好雜，扭蛋、 Gundam fix 、 spawn 、合金樣樣都有玩。剛好我有一個孖生大佬，佢就喜歡玩元祖、 TF 、裝甲騎兵，加埋就真係好 perfect 啦 !

為什麼咁喜歡戰隊及筋肉人玩具？
Eric: 喜歡戰隊因為佢的可變性，當我還在荃灣住時認識了網友 redfish ，他賣了幾盒百獸玩具給我，從此就喜歡了戰隊玩具，而且還越買越多。而我有空亦與孖生大佬研究玩具經，佢又有個好友 hk 小文 ( 肥仔文 ) 是這兒的網友 ! 就係這些動力驅使我不斷買玩具吧 !^^ 至於筋肉人，真係大過了先去追，細過好鍾意，學佢地 D 招式打架打到大！哈哈。 ( 筆者多口問有一隻 figure 是筋肉人包住隻手睡在床上是什麼，原來是有一集他斷了手，大水牛用佢隻角佢俾做手術換手，從此佢變得好大力 !!)

你儲了咁多玩具，儲得最耐及最珍貴又是邊樣呢？
Eric: 最耐一定是那 set Lego 城堡，由細 keep 到而家。 10 幾年前仍然是 F.5 ，用了 5 、 6 百蚊買了這套，真係非常鍾意。 ( 筆者真喜歡 Lego ，看他洗手間都放了一架 Lego 大貨車。 ) 最珍貴一定是那 set 太空西遊記合金人仔。我買玩具一向都以自已的 ” 合理價 ” 來衡量，總之認為太貴的一定不會出手。但呢套人仔實在太靚，每次見到都有開心。

你喜歡在那區睇玩具？咁你認為好的玩具店要有什麼係件呢？
Eric: 我通常在旺角區睇玩具，貪這兒的玩具店夠集中，我買玩具好簡單，通常價錢適合就會買；但有個原則是不買抄價玩具。至於好的玩具店，我喜歡一些較專門的玩具店，即主題性的玩具店。因為專 D 一定會有好野買。

你的玩具擺設得十分齊整，是怎樣打理的呢？
Eric: 其實有好多都沒有放出黎擺，始終地方有限。但當玩具放在飾物櫃，就算沒有拿出來玩，就咁睇住我已經覺得好開心。

謝謝筋肉戰隊 Eric 的訪問，筆者感覺他的家居玩具真擺設得十分整齊，而且還有空間放玩具。 ( 嘿嘿 ..) ，其實有兄弟一齊玩玩具及儲玩具真十分快樂，盼望有機會訪問埋他的孖生大佬的家，相信亦是十分美觀 !!